之前人叫ALIEN CARD, 即外國人登錄證. 證明你著陸喇. 要去番自己住的區役所。資料地點/時間等可以自己查, 通常唔會係你左近.
丁目事件
前一晚發現日本網上購物都好方便, 連印章都有好多資料款式, 又發現板橋有間喎. 心諗張圖睇落好近喎, 咁好係區役所附近方便大家. (絶對唔係!)
因省車費和唔想轉鉄路, 就坐一個站+10分鐘路程. 最後10分鐘我大約行了半個鐘....只要走入一個丁目, 到處是差不多外觀的住戶, 没明顯的招牌. 號碼排位没法理解. 如左面是一排是45號, 右面一排行落去, 就没有了...那中間一段又不知放了哪.
日本分區 - 町 - 丁目- 番地 - 號
EXAMPLE. 東區(區) 上野 (町) 4 (丁目) - 60 (番地) - 3 (號)
區役所在預期半個鐘揾到, 好彩路的指示較多. 就想先去弄印章, 役所在2丁目, 印章在4丁目...地圖1CM, 我走了15分鐘...到4丁目後, 又進入一個丁目迷宮, 要不停對門號. 印章是於一條小巷的住家. 雖然收得比網上寫為貴, 但老伯都幾NICE. 要半小時左右去刻, 我就滿心歡喜在附近走走, 見到個日本公園, 很悠閒地坐上木千秋, 清風送爽, 吹一吹滿身的汗臭, 已多少年没有坐千秋呢...
不知道甚麼事, 我坐坐下就從千秋跌了下來...整個人"哎吖, 哎吖, 哎吖..." 先滑再跌落踏腳台再徹底地訓落地下. 泥地的關係只是撞"於"少許, PATPAT 有點痛...左右都是幾個散步阿伯, 只好搞無事閃人. 剛才我行到公園不過...1-2分鐘. 但我真係蕩失路, 我行了10-15分鐘先揾番間屋...
從來行過一次, 錯一次就會番到去. 所以回區役所的路我無問題. 只是整齊搞遲了, 銀行又關了....
<讓我狠狠跌下去的千秋>役所事件
黎到日本最多就係揾地方...去到申請個證啫, 都無得輕輕鬆鬆.
個職員睇完我張表, 話揾唔到我寫的地址(?!) 佢俾本A3地圖我叫我指...我寫嗰個位唔係屋主名/而家個格局. 咁我無理由話你本地圖唔UPDATE....佢就問得好細緻, 間屋係點/房點分/住咩人之類. 但個樣都係無晒辦法, 又同同事SHARE情況...幾驚佢話要再黎...我唔玩架喇. 我指左幾次, 忍唔住話不如你打去問下屋主 (好彩今朝抄底個電話, 唔係真係PK) 佢話明白喇, 但又唔解釋俾我知...
最後, 也把我出生地點和香港地址查地圖一次, 確定沙田區, 馬鞍山町...遲過我的人都走晒. 櫃台都關門, 我又係最尾一個走...(11月頭又再黎拎證)
(空無人的偷拍)結論: 每天只能做一事. 想多做也不是由你話事.
今天又帶著疲倦的身體回家~
區役所有好多部門, 有啲幫市區搞活動, 也有國際交流, 就會有些興趣/語言班可參考, 一般好抵/無料. 係得呢道處, 就要用盡啲設施.
區役所網 http://www.public-map.info/
印章網, 有各區印章公司資料 http://navitokyo.com/inkaninshogomuin/
樓下寫的日常困難, 有對應的更新:
- 到處蕩失路----> 個FEEL黎喇, 我開始FEEL啱啲方向和神會到個地圖講乜, 指係地鉄內...
- 電腦慢吞吞---> 轉左軟件, 已叫做可以郁到. 期待可以更改SYSTEM, 變番正常. 電腦累時我都好累.
- 風筒/夾板的弱 ---> 會買個平的. 我見負離子都係2XXX YEN.
- 紅點之謎 ----> 舊的有退, 新的未大發現. 可能我之前親身打掃過有關...
- 仲有蚊 ----> 見一隻打一隻, 以屍為證.
- 衫唔乾 ---> 呢道無乾衣機. 因為2樓房係有露台架(!)...晒幾乾都得. 我呢啲底層用戶唯有等多幾日...
- 沖涼的磨紗門 ----> 佢睇我唔到, 佢睇我唔到...
- 大大之感覺 ---> 盡量擇少人時黎揾感覺, 朝早之類...
- 一堆廢衣服 ---> 估唔到諗住帶平時唔著的黎日本....點知都係唔會著...LEGGING變左保暖褲. 其次再發掘平衫地方, 百貨公司的根本貴到無從入手.
Comments
Post a Comment